Казанда питчинг һәм кино сценарийлары бәйгесенә гаризалар кабул ителә башлады

Гомуми приз фонды 500 мең сумнан артык тәшкил итә.

(Казан шәһәре KZN.RU, 28-нче гыйнвар). Казанлыларны питчинг һәм киносценарийлар бәйгесендә катнашырга чакыралар. Эшләр дүрт төрле категориядә кабул ителә, питчингта катнашу өчен гаризаны 1 февральгә кадәр, ә бәйгедә катнашу өчен 21 февральгә кадәр җибәрергә мөмкин.

7 мартта Казанда Татарстан Республикасы Мәдәният министрлыгы ярдәме белән дебютантларның Бөтенроссия питчингы старт ала. Ул VII "Кино вакыты" мәгариф форумы кысаларында узачак. Дебютантларга Бөтенроссия питчингында катнашу өчен 1 февральгә кадәр анкета тутырырга кирәк. Катнашу шартлары белән тулырак регламентта танышырга мөмкин.

Теләүчеләр шулай ук VI ачык республика киносценарийлар конкурсында катнаша алачаклар. Ул берничә категория буенча үткәреләчәк: "Кыска метражлы уен киносы", "Тулы метражлы уен киносы", "Документаль кино" һәм "Work-in-progress". Нәтиҗәләр 1 мартта ясалачак, җиңүчеләрне бүләкләү 7 мартта булачак. Киносценарийлар конкурсының приз фонды 100 мең сум тәшкил итә. Әйтик, тулы метражлы уен фильмының иң яхшы киносценарие авторы - 70 мең сум, кыска метражлы фильмның иң яхшы киносценария авторы 30 мең сум күләмендә акчалата бүләк алачак.

Питчингның һәм сценарий конкурсының гомуми приз фонды 2 миллион сумнан артып китәчәк.

Киносценарийлар буенча VI ачык республика конкурсында катнашу өчен 21 февральгә кадәр cinematimekzn@gmail.com электрон адресы буенча ирекле формада гариза бирергә кирәк, дип хәбәр итә Татарстан Республикасы Мәдәният министрлыгының матбугат хезмәте.

Шулай ук укыгыз

Барлык яңалыклар