Казанда «Яшь тимер юлчы» бушлай түгәрәгенә теләүчеләрне җыю башланды

Укучылар машинист ярдәмчесе һөнәренә өйрәнә яки 3D-модельләштерү белән шөгыльләнә алачак

20 октябрьгә кадәр «Яшь тимер юлчы» бушлай түгәрәгенә теләүчеләрне җыю бара. Һөнәри юнәлеш программалары буенча укуны 11 яшьтән 18 яшькә кадәрге яшүсмерләр узарга мөмкин.

Практик дәресләрдә балалар үзләрен машинист ярдәмчесе, вагоннарны караучы, тимер юл хезмәткәре, станция буенча кизү торучы һ.б. һөнәрләрендә сынап караячаклар. Шулай ук укучылар өчен 3D-модельләштерү, робот техникасы, сәхнә иҗаты һәм техник макетлаштыру түгәрәкләре оештырылачак.

Дәрескә язылу өчен түбәндәге документларны алып килергә кирәк: туу турында таныклык күчермәсе, шәхси хисапның иминият номеры (СНИЛС), 3х4 өч фотосурәт һәм яшүсмернең сәламәтлеге турында белешмә, дип хәбәр итә Казан тимер юллары матбугат хезмәте.

Гаризаларны Алтынов урамындагы 4а йорт адресы буенча кабул итәләр.

Түгәрәкне Казан тимер юлының «Россия тимер юллары» ААҖ филиалы булган Горький тимер юлының структур бүлекчәсе оештырган.

Шулай ук укыгыз

Барлык яңалыклар