Казанда мәктәп укучылары арасында коррупциягә каршы тематикага багышланган плакатлар бәйгесе старт алды

Иң яхшы плакат өчен тавыш бирү мөмкинлеге kzn.ru порталында бар.

(Казан шәһәре KZN.RU, 22-нче ноябрь). Бүген Казанда мәктәп укучылары арасында коррупциягә каршы тематикага багышланган плакатлар өчен тавыш бирү старт алды.

Плакатлар бәйгесендә катнашучылар – Казанның 2018 елда коррупциягә каршы тематикага багышланган “Что? Где? Когда?” уены үткән мәктәпләрендә укучылар. Бәйгегә 50 иҗади эш килгән иде. Финалга чыгучыларны сайлаганда түбәндәге күрсәткечләр исәпкә алынган: төсләргә байлык, тематикага туры килү, мәгълүматлылык һәм креативлык.

Финалга Казанның 7 мәктәбе чыкты: Яңа Савин районының 38-нче мәктәбе, Авиатөзелеш районының 14-нче гимназиясе, Идел буе районының 40-нчы гимназиясе, Вахитов районының 116-нчы лицее, Совет районының 16-нчы мәктәбе, Киров районының 152-нче гимназиясе, Мәскәү районының 9-нчы гимназиясе.

Иң яхшы плакат өчен теләсә кем тавыш бирә ала: kzn.ru порталында бу мөмкинлек бирелгән. Ошага плакат өчен 28 ноябрь 12.00 сәгатькә кадәр тавыш бирергә кирәк, дип хәбәр итә оештыручылар – Казан Башкарма комитеты Аппаратының Контроль һәм коррупциягә каршы эш идарәсе.

Шулай ук укыгыз

Барлык яңалыклар