Казанда Юрий Красильников истәлегенә җиңел атлетика буенча үткәрелән турнирның җиңүчеләре билгеле булды

Ярышларда 1147 спортчы катнашты.

(Казан шәһәре KZN.RU, 16-нчы ноябрь). Казанда Юрий Красильников истәлегенә багышланган җиңел атлетика буенча турнирга йомгак ясалды. Ярышлар Үзәк стадионда 14-16-нчы ноябрьдә узды. Анда 1147 спортчы катнашты. Җиңүчеләргә һәм призерларга медальләр, дипломнар һәм кыйммәтле бүләкләр тапшырылды.

Спортчылар киртәләр белән 60 м, 200 м, 400 м, 800 м, 1500 м, 3000 йөгерү, эстафета, озынлыкка сикерү, өч катлы сикерү, биеклеккә сикерү, колга белән сикерү, шулай ук ядрә ыргыту буенча көч сынаштылар. Ярышлар берничә яшь категориясе буенча үткәрелде: 14-15 яшьлек, 16-17 яшьлек һәм 18-19 яшьлек спортчылар арасында.

14-15 яшьлек кызлар арасында 60 м дистанциягә йөгерүдә Ольга Лизякина (Түбән Новгород) – беренче, Виктория Романова (Барнаул) икенче урынны алды. Бу номинациядә өченче урынга Амалия Ковыдина (Саратов) лаек булды. Барлык номинацияләр буенча да турнир җиңүчеләренең тулы исемлеге белән сылтама буенча танышырга мөмкин.

Егетләр арасында шул ук яшь категориясендә 60 метрга йөгерүдә беренче урынны Ранель Шәфиков (Казан) алды, икенче – Владимир Тюмин (Саратов) һәм өченче – Максим Смолин (Пенза өлкәсе) булды. Җиңүчеләрнең тулы исемлеге биредә урнаштырылган.

Исегезгә төшерәбез, Юрий Красильников истәлегенә турнир 1999 елдан бирле үткәрелә. Ярышлар елдан-ел популярлаша бара, анда катнашучылар саны арта: әйтик, 2006 елда ярышларда Казаннан һәм Яшел Үзәннән 130-га якын спортчы катнашса, 2007 елда – Россия төбәкләреннән һәм ТР районнарыннан 280-гә якын кеше килде. Быел турнирда 1147 спортчы катнаша.

Шулай ук укыгыз

Барлык яңалыклар