Казанда Крещениедә 5 иоарданда су кереп булачак

Су изгеләндерү 19 гыйнварда 10.00 сәгатьтән 12.00 сәгатькә кадәр үткәреләчәк.

(Казан шәһәре KZN.RU, 14-нче гыйнвар, Алинә Бережная). 19 гыйнварда Казанда Крещение бәйрәме көнендә 5 купель әзерләнәчәк. Бу хакта бүген эшлекле дүшәмбе киңәшмәсендә Телләрне үстерү һәм иҗтимагый оешмалар белән үзара хезмәттәшлек бүлеге җитәкчесе Илнур Шакиров хәбәр итте.

Әйтик, Качману йоласын Яңа Савин районында "Живоносный источник" (5-нче Кадыш ур., 12) Изге Ана иконасы хөрмәтенә гыйбадәтханә янында часовня купелендә узачак. Идел буе районында Борисков урамы, 54 адресы буенча урнашкан Югары Кабан күлендә һәм "Сокол" кафесы янында су коену өчен ике урын оештырылачак. Киров районында купельләр Казансу елгасында Нерукотворный образ Христа Спасителя храмы янында һәм Никольский чиркәве янындагы Иделдә (Идел буе ур., 32) булачак.

Су изгеләндерү 10.00 сәгатьтән 12.00 сәгатькә кадәр барачак.

Шулай ук бу көнне, Илнур Шакиров сөйләгәнчә, шәһәрнең барлык гыйбадәтханәләрендә дә бәйрәм гыйбадәтләре узачак.

"Йола үткәрү урыннарында Качмануны бәйрәм итү өчен кирәкле шартлар тудырылачак, шәһәрнең гражданнарны яклау, ашыгыч медицина ярдәме, полиция хезмәтләре җәлеп ителәчәк", - дип билгеләде Илнур Шакиров.

Казанлыларның иминлеге турында Казан Башкарма комитеты җитәкчесе Денис Калинкин да искә төшерде - ул хокук саклау органнары хезмәткәрләрен һәм медикларны аеруча игътибарлы булырга чакырды.