Казанда социаль таксидан елына мең тапкыр файдаланганнар

Казанда социаль таксидан елына мең тапкыр файдаланганнар

<p> Казанда «Добрая Казань» оешмасының социаль таксиеннан елына 1 мең тапкыр файдаланганнар. Транспорт хезмәте мөмкинлекләре чикләнгән гражданнар өчен шәһәр буенча йөрү өчен генә түгел, Татарстан һәм Россия буенча йөрү өчен дә каралган. </p> <p> Социаль такси пассажирлары дәвалау һәм тернәкләндерү урыннарына, шулай ук мәдәни һәм социаль объектларга түләүсез барып җитәргә мөмкин. Хезмәттән файдалану өчен кайнар линия телефоны буенча шалтыратырга кирәк: (843)558-74-18, дип хәбәр итә «Добрая Казань». </p> <p> Инвалидлык белән кешеләр ихтыяҗларына туры китереп җиһазландырылган LADA Largus автомобиле хезмәт күрсәтә. Мәсәлән, машинада поручнилар, пандуслар һәм башка техник чаралар бар. Проект ТР раисе гранты хисабына тормышка ашырыла. </p> <p> Исегезгә төшерәбез, социаль такси белән проект узган елның апрелендә старт алды. </p> <p> «Добрая Казань»да шулай ук җәй буе авыр тормыш хәлендә калган гаиләләр өчен бушлай автобус экскурсияләре проекты гамәлгә ашырылачагын билгеләп үттеләр. Бүгенге көндә Болгар, Свияжск, Ульяновск, Алабуга шәһәрләренә сәфәр оештырылган инде. </p>

2024-06-25T12:15:31+0300