Казанда җәмәгать фикер алышуларын уздыру вакытын кыскарттылар

Мондый карарны шәһәр Думасы сессиясендә депутатлар кабул итте.

Фото: Денис Гордийко

(Казан шәһәре KZN.RU, 15 нче апрель, Юлия Летникова). Казанда җәмәгать фикер алышулары һәм ачык тыңлаулар үткәрү тәртибенә үзгәрешләр кертелде. Бу хакта карарны Казан шәһәр Думасының XIII сессиясендә кабул иттеләр.

Утырышта Казанның Архитектура һәм шәһәр төзелеше идарәсе башлыгы Андрей Лобов сөйләвенчә, закон нигезендә, быел генераль планнар проектлары, җирдән файдалану һәм төзелеш кагыйдәләре проектлары, территорияне планлаштыру проектлары, территорияне ызанлау проектлары, күрсәтелгән расланган документларның берсенә үзгәрешләр кертүне күздә тоткан проектлар буенча җәмәгать фикер алышуларын үткәрү вакыты бер айдан да артмаска тиеш. Моның өчен аерым процедуралар белән аерым бүлек кертелгән.

Моннан тыш, гамәлдәге законнар белән муниципаль хезмәтләр тарафыннан шартлы рәвештә рөхсәт ителгән куллану төренә һәм чик параметрлардан читкә тайпылуга рөхсәт бирү, шулай ук территорияне планлаштыру буенча документларны раслау игълан ителде. Әлеге хезмәтләр федераль портал аша башкарылачак муниципаль хезмәтләр исемлегенә кертелде. Моның белән бәйле рәвештә экспозиция срокларын кыскарту һәм РФ Шәһәр төзелеше кодексы таләп итмәгән минималь срокларны төшереп калдыру соралды. Тәкъдим ителгән үзгәрешләрне исәпкә алып, җәмәгать фикер алышуларын үткәрү вакыты кыскартылды.

Шулай ук экологик экспертиза үткәрелергә тиешле билгеләнгән хуҗалык һәм башка төр эшчәнлек буенча җәмәгать фикер алышулары dispute.kzn.ru мәгълүмати системасына күчерелде, аларны дистанцион форматта җәмәгатьчелек белән консультацияләр рәвешендә үткәрү мөмкинлеге булдырылды. «Практика күрсәткәнчә, фикер алышуга халыкны максималь җәлеп итү өчен шартлар тудыру зарур, әмма бу хәзер мөмкин түгел, чөнки халык алдында чыгыш ясаучылар саны чикләнгән», – дип аңлатты А.Лобов. Мондый карар барлык теләүчеләргә үз фикерен белдерергә мөмкинлек бирәчәк, ә электрон платформа автомат режимда нәтиҗәләрне эшкәртә һәм хисап формалаштыра.

Экологик экспертиза үткәрелергә тиешле билгеләнгән хуҗалык һәм башка төр эшчәнлек буенча җәмәгать фикер алышуларын электрон форматка күчерү теләге булган һәркемгә 30 көн дәвамында үз сорауларын бирү һәм искәрмә-тәкъдимнәрен кертү мөмкинлеген күздә тота.

А.Лобов шәһәр төзелеше мәсьәләләре буенча җәмәгать фикер алышуларының 2018 елдан бирле dispute.kzn.ru электрон платформасында узуын искә төшерде. «Бүгенге көндә рәсми мәгълүмат системасында 621 фикер алышу үткәрелде», - дип билгеләп үтте ул.

Шулай ук укыгыз

Барлык яңалыклар