Казанда өлкән яшьтәге ханымны һәм 9 яшьлек велосипедчыны бәрдергәннәр

Юл-транспорт һәлакәте Волков һәм Беломорск урамнарында булган

Фото: Марат Мөгыйнов

(Казан шәһәре KZN.RU, 27 нче сентябрь). Узган тәүлектә Татарстан Республикасы башкаласында 93 юл-транспорт һәлакәте теркәлгән. Нәтиҗәдә алты кеше – дүрт пассажир һәм ике җәяүле – төрле дәрәҗәдәге җәрәхәтләр ала.

Тема буенча материаллар:

Казанда ярты ел эчендә юл-транспорт һәлакәтләре саны 651 гә кадәр кимегән

Юл-транспорт һәлакәтләренең берсе Волков урамындагы 48 нче йорт каршында булган. 72 яшьлек машина йөртүче, беренчел мәгълүматлар буенча, көйләнми торган җәяүлеләр кичүендә юл бирмәгән һәм 57 яшьлек хатын-кызны бәрдергән. Зыян күрүчене хастаханәгә салганнар.

Шундый ук юл-транспорт һәлакәте Беломорск урамындагы 104 нче йорт каршында да килеп чыккан. 28 яшьлек машина йөртүче көйләнми торган җәяүлеләр кичүендә юл бирмәгән һәм 9 яшьлек малайны бәрдергән. Ул юл аркылы велосипедта чыккан. Зыян күрүчегә медицина ярдәме күрсәткәннәр һәм хастаханәдән җибәргәннәр.

Узган тәүлектә административ җаваплылыкка 440 машина йөртүче һәм 77 җәяүле җәлеп ителгән. 73 очракта куркынычсызлык каешын куллану кагыйдәләре бозылган, 49 очракта җәяүлеләргә юл бирмәгәннәр. Исерек килеш машина йөрткән өчен 11 автомобильче тоткарланган, дип хәбәр иттеләр Россия Эчке эшләр министрлыгының Казан буенча Дәүләт автоинспекциясенең пропаганда бүлегендә.

Шулай ук укыгыз

Барлык яңалыклар