Казанда ел башыннан җәяүлеләр катнашында 400 дән артык юл-транспорт һәлакәте булган

Казанда ел башыннан җәяүлеләр катнашында 400 дән артык юл-транспорт һәлакәте булган

<div class="detail-picture"> <img src="https://kzn.ru/upload/iblock/76b/76b119fbf0defd617983cdd231d07bed.jpg"> <p class="detail-picture__caption"> Фото: Денис Гордийко </p> </div> (Казан шәһәре KZN.RU, 14 нче ноябрь). Кичә Казанда Р.Зорге урамындагы 66 нчы йорт каршында җәяүлене бәрдергәннәр. 29 яшьлек машина йөртүче артка хәрәкәт иткәндә маневрның куркынычсызлыгына инанмый һәм 19 яшьлек егетне бәрдерә. Нәтиҗәдә, зыян күрүче төрле дәрәҗәдәге җәрәхәтләр ала.<br> <br> Россия Эчке эшләр министрлыгының Шәһәр буенча идарәсе дәүләт автоинспекциясе бүлеге полк командиры Михаил Савин сөйләвенчә, ел башыннан ТР башкаласы территориясендә җәяүлеләр катнашында 419 юл-транспорт һәлакәте булган, аларда 16 кеше һәлак булган һәм тагын 413 кеше төрле авырлыктагы җәрәхәтләр алган.<br> <br> Машина йөртүчегә сәүдә үзәкләре, ишегалды территорияләре һәм торак зоналары парковкаларында маневрлар ясаганда аеруча игътибарлы булырга кирәк. Транспорт хәрәкәте вакытында тирә-юньдәгеләр өчен куркыныч һәм комачаулыклар тудырылмаска тиеш, дип искәрттеләр Россия Эчке эшләр министрлыгының Казан буенча ЮХИДИ пропаганда бүлегендә.<br>

2023-11-14T14:04:05+0300