Казанда 3 августтан сигез электричканың хәрәкәт җәдвалы үзгәрәчәк

Үзгәрешләр техник сәбәпләр буенча кертеләчәк

Техник сәбәпләр аркасында Казанда сигез шәһәр яны поездының хәрәкәт җәдвалы үзгәрәчәк. Үзгәрешләр 3 августтан үз көченә керә.

Мәсәлән, 6420 нче номерлы Казан – Нократ Аланы электричкасы Татарстан башкаласыннан 6:30 да (ярты сәгатькә соңрак) китәчәк. Соңгы станциягә килү 9:40 та (33 минутка соңрак) планлаштырылган.

6302 номерлы Зөя – Казан юнәлешенең юлга чыгуы 5:20 сәгатькә (10 минутка соңрак), ТР башкаласына килүе – 6:31 сәгатькә (13 минутка соңрак) билгеләнгән.

6701 нче Аэропорт — Казан поезды станциядән 7:12 сәгатькә (алты минутка соңрак) китә. 7:41 дә электричка Казанга килә (алты минутка соңрак).

Аэропорт — Казан юнәлешендәге 6719 нчы состав аэропортның тимер юл станциясеннән 6:37 дә (сигез минутка соңрак) китәчәк. Соңгы станциягә килү 7:12 сәгатькә (10 минутка соңрак) планлаштырылган.

Казаннан 6722 номерлы электричка аэропорт станциясенә 6:39 сәгатьтә (сигез минутка соңрак) юл тотачак һәм билгеләнгән пунктка 7:10 да (тугыз минутка соңрак) килеп җитәчәк.

Шәмәрдән — Казан поезды авылдан 3:55 тә (өч минутка иртәрәк) китә. Пассажирлар шәһәрдә 6:20 дә (тугыз минутка соңрак) калачак.

6403 нче состав Арча – Казан юнәлешендә 5:17 дә кузгалачак (өч минутка алдан). Татарстан башкаласына килү 7:05 сәгатькә (биш минутка иртәрәк) планлаштырылган.

6925 нче номерлы Кизнер – Казан электричкасы Удмуртиядән 20:29 да (дүрт минутка соңрак) китәчәк. Соңгы станциягә килү 22:26 сәгатькә билгеләнгән (алты минутка соңрак), дип хәбәр иттеләр «Содружество» АҖ матбугат хезмәтендә.

Барлык маршрутлар буенча тулырак мәгълүматны «Россия тимер юллары пассажирларга» мобиль кушымтасында, шәһәр яны пассажир компаниясе сайтында һәм +7(937)625-04-33 телефоны буенча белергә була (шалтыратулар тәүлек буе кабул ителә).

Шулай ук укыгыз

Барлык яңалыклар