Казанда 41 яшьлек җәяүлене бәрдереп киткән шоферны эзлиләр

Беренчел мәгълүматлар буенча, җәяүле юлны көйләнелми торган юл кичүе буенча чыккан, машина йөртүче аңа юл бирмәгән.

(Казан шәһәре KZN.RU, 18-нче март). Казанда 41 яшьлек ир-атны бәрдереп китүчене эзлиләр. Һәлакәт 17-нче мартта 17.30 сәгатьтә Чапаев урамында - Побежимов урамындагы 47-нче йорт каршында була.

Беренчел мәгълүматлар буенча, җәяүле юлны көйләнелми торган юл кичүе буенча чыккан, машина йөртүче аңа юл бирмәгән. Юл-транспорт һәлакәте нәтиҗәсендә ир-атның уң җилкәсенең йомшак тукымалары, уң балтыры имгәнгән. Һәлакәттә гаепле булган машина йөртүче вакыйга урыныннан качкан. Казан Дәүләт автоинспекциясе вакыйга шаһитларыннан түбәндәге телефоннар буенча элемтәгә керүләрен сорый: +7(843)533-38-15 һәм +7(843)533-38-48.

ЮХИДИ юл-транспорт һәлакәте урынын калдырган өчен транспорт чаралары белән идарә итү хокукыннан бер ел ярымга кадәр мәхрүм итү яки 15 тәүлеккә кадәр административ кулга алу рәвешендә җәза каралганлыгын җиткерә.

Узган тәүлектә Казанда 143 юл-транспорт һәлакәте теркәлгән, шуларның 2-сендә зыян күрүчеләр бар - җәяүлеләрне бәрдереп киткәннәр. Юл-транспорт һәлакәте нәтиҗәсендә 2 җәяүле төрле җәрәхәтләр алган.

Шулай ук укыгыз

Барлык яңалыклар