Казанда беренче автоном туристик торак мобиль модуль эшләп чыгарылды

Казанда беренче автоном туристик торак мобиль модуль эшләп чыгарылды

<p> (Казан шәһәре KZN.RU, 5-нче гыйнвар). Казанда беренче автоном туристик торак мобиль модуль эшләп чыгарылды АТОММ эшләп чыгарылды. Бу тулысы белән әзер автоном системалы яшәү өчен яраклы модуль, базарда Казанда чыгарыла торган бердән-бер продукт.<br> </p> <p> Универсаль корылма кешеләргә төрле климат һәм ландшафт зоналарында теләсә нинди һава шартларында вакытлыча яшәү өчен яраклаштырылган. Модульда 4 кеше яши алырлык уңайлылыкның “3 йолдыз” дәрәҗәсендә булган бүлмәләр һәм кирәк-яраклар бар. </p> <p> АТОММның үзенең энергосистемасы бар, ул кайнар су, җылылык һәм кухня җиһазлары белән даими рәвештә тәэмин ителеп тора. Модуль стандарт транспорт габаритларга ия, аны гомуми кулланылышта булган юлларда чикләүләрсез күчерергә мөмкин, урнаштыру урынында ул төзелеш эшләре таләп итми. Урнаштыру вакытында аңа махсус коммуникацияләр тоташтыру кирәк түгел, модуль 25 көнлек автоном режимга ия һәм әйләнә-тирә мохиткә тискәре йогынты ясамый, дип хәбәр итә ТР Туризм буенча дәүләт комитеты. </p>

2018-01-05T11:49:27+0300