Казанда 100 яшьтән узган 74 кеше яши

Казанда 100 яшьтән узган 74 кеше яши

<p> Казанның иң өлкән кешесе – 106 яшьлек Разыя Йосыпова. Ул 1918 елның 18 августында – Беренче бөтендөнья сугышы тәмамланганчы ук туган. Хәзерге вакытта ул Идел буе районында яши. </p> <p> Казанда 100 һәм аннан да күбрәк яшьтәге 74 кеше исәпләнә. Аларның күбесе – хатын-кызлар (67). Озын гомерлеләр саны буенча Вахитов һәм Идел буе районнары алда бара. Биредә 100 һәм аннан да күбрәк яшьтәге 23 кеше яши. Киров һәм Мәскәү районнарында тагын 20 озак яшәүче исәпләнә. Совет районында йөзьеллык чиген 17 кеше узган. Авиатөзелеш һәм Яңа Савин районнарында 100 яшьтән өлкәнрәк тагын 14 казанлы яши. </p> <p> Исегезгә төшерәбез, Татарстан башкаласында «алтын» яшьтәге кешеләр өчен 2016 елдан <a target="_blank" href="https://kzn.ru/prinyat-uchastie/proekty/zhiznelyub/?lang=ta">«Яшәү яме»</a> проекты гамәлгә ашырыла. Проектның максаты: шәһәрнең актив мәдәни тормышына өлкән буын вәкилләрен җәлеп итү һәм аларның эчтәлекле ялын тәэмин итү. Дәресләр 13 юнәлеш буенча үткәрелә. +7(843)236-42-93 телефоны буенча җәдвәл белән танышырга һәм өстәмә мәгълүмат алырга мөмкин. </p> <p> Моннан тыш, ноябрьдә «Йөзьяшәрләр уеннары. Яшәү яме» икенче спартакиада старт ала. Киләсе сезонда катнашучыларны яңа дисциплиналар һәм «Иң текә җанатарлар» конкурсы көтә. Стартны <a target="_blank" href="https://web.telegram.org/k/#@igradolgoletiakzn">сылтама</a> буенча күзәтергә мөмкин. </p>

2024-10-16T09:08:00+0300