Казанда Дәүләт академия Кече театры гастрольләре узачак

Шәһәр халкы 3 спектакль карый алачак.

(Казан шәһәре KZN.RU, 2-нче июль). 10-15-нче сентябрь көннәрендә Казанда Дәүләт академия Кече театры гастрольләре узачак. Г.Камал исемендәге татар дәүләт академия театры сәхнәсендә шәһәр халкына өч спектакль тәкъдим итәчәкләр.

10-нчы һәм 11-нче сентябрьдә казанлылар Винья Дельмарның танылган киносценарие буенча Юрий Соломинның «Дальше – тишина» спектаклен күрәчәкләр. Бу - үз балаларына карата булган мөнәсәбәтләрнең тоткынына әверелгән өлкән кешеләр турында үзәк өзгеч тарих. Алар очрашкан гаделсезлектән ничек кенә авыр булмасын, иксез-чиксез мәхәббәт, хөрмәт һәм бер-берсенә бәйләнгән булу Людмила Полякова һәм Владимир Носик уйнаган Люся һәм Барклей Куперларга киләчәккә өмет белән карарга мөмкинлек бирә.

12-нче һәм 13-нче сентябрьдә Кече театр тамашачыларга Николай Гоголь пьесасы буенча куелган «Женитьба» спектаклен тәкъдим итәчәк. Язучының матур һәм кабатланмас теле һәм Юрий Соломинның сак якын килеп эшләнгән режиссурасы күренештән тере һәм һәрвакыт заманча классиканы яратучыларга чын бүләк ясый.

14-нче һәм 15-нче сентябрьдә Александр Островский буенча «Не все коту масленица» спектакле узачак, дип хәбәр итә Г.Камал исемендәге театрның матбугат хезмәте. Бөек рус драматургының иң үткен һәм күңелле пьесаларының берсенә яңа сәхнә версиясен чыгару өстендә режиссер Виталий Иванов җитәкчелегендә сәхнәгә кую командасы эшләде. Спектакльгә музыканы композитор Максим Дунаевский язды. Кече театр артистлары бай сәүдәгәр Ермил Зотыч Ахов һәм аның приказчысы Ипполитның тыйнак, әмма үз карарларында нык торучы Агния исемле кызны кулга төшерегә тырышулары турында гыйбрәтле тарих сөйләячәкләр.

Шулай ук укыгыз

Барлык яңалыклар