Казанда «Манзара» спорт һәм музыка премиясен тапшыру тантанасы узачак

Республика Сабантуйларының абсолют батырлары чемпион билбавы өчен көрәшәчәк.

(Казан шәһәре KZN.RU, 13-нче гыйнвар). 18-нче гыйнварда Казан дәүләт циркы аренасында ел саен уза торган «Манзара» спорт һәм музыка премиясен тапшыру тантанасы була.

Цирк аренасына беренче тапкыр сумо көрәшчеләре чыгачак, ә 2019 елгы Татарстан Сабантуйларының абсолют батырлары һәм иң яхшы спортчылар 130 килограммга кадәр авырлыкта көрәш буенча «Манзара – 2020» чемпион билбавы өчен көрәшәчәк. Моннан тыш, иганәчелек ярышларында дөнья чемпионы Ренас Кәлимуллин һәм дөнья Кубогы җиңүчесе Булат Мусин көч сынашачак.

Кичәнең иң матур мизгеле чемпион билбауларына ия булган Раил Нургалиев белән Муса Галләмов арасындагы көрәш булачак. Көрәшчеләр күп тапкырлар дөнья чемпионнары һәм башка турнирларда җиңүчеләр булганнар.

Сәхнәдә тамашачылар өчен Татарстанның танылган артистлары Салават Фәтхетдинов, Илсаф, Римма Никитина, Айсылу Габдинова, Алинә Сафиуллина, Рамил һәм Рамилә Хәйретдиновлар, Динара Рәхимова һәм башкалар чыгыш ясаячак.

«Манзара» шоу-программасы 13.00 сәгатькә, программаның финал өлеше 16.00 сәгатькә планлаштырылган.

Тулырак мәгълүмат премия сайтында бирелгән.