Казанда “театраль” бәйрәм узачак

Бәйрәм Г.Камал исемендәге Татар дәүләт Академия театры каршысындагы мәйданда узачак.

(Казан шәһәре KZN.RU, 12-нче октябрь). Иртәгә, 13-нче октябрьдә, Казанда Россиядәге Театр елына багышланган бәйрәм чарасы булачак. Программада: спектакльләрдән өзекләр, яраткан актерлар белән фотосессия, бүләкләр уйнату, урам квесты һ.б.

Бәйрәмне ТР атказанган артисты Фәнис Җиһаншин ачачак. ТР халык артисты Луара Шакирҗанова татар театры тарихы турында сөйләячәк, ТР халык артисты Илдус Әхмәтҗанов Габдулла Тукай шигырьләрен укыячак, театрның яшь артистлары “Агыла да болыт агыла” поэтик спектакленнән өзекләрне уйнаячак, ә театрның скрипкада уйнаучысы Динә Закирова инструменталь музыка башкарачак.

Бәйрәм Г.Камал исемендәге Татар дәүләт Академия театры каршысындагы мәйданда узачак, 11.00 сәгатьтә башлана, дип хәбәр итә ТР Мәдәният министрлыгы матбугат хезмәте.

Шулай ук укыгыз

Барлык яңалыклар