ТР башкаласында фигуралы шуу буенча олимпия чемпионнарыннан бушлай мастер-класслар сериясе узачак

Спорт мәктәпләрендә шөгыльләнүчеләр сикерү, әйләнү һәм бозда шуу күнекмәләрен камилләштерә, шулай ук спортчыларның автографларын ала һәм аларга сораулар бирә алачак.

Фото: Марат Мөгыйнов

(Казан шәһәре KZN.RU, 15 нче апрель). Казанда 17-19 нчы апрельдә «Триумф» спорт комплексының боз аренасында фигуралы шуу буенча олимпия чемпионнары Никита Кацалапов һәм Виктория Синицина яшүсмерләр өчен мастер-класслар сериясен үткәрәчәкләр.

ТР башкаласының спорт мәктәпләрендә тәрбияләнүчеләр профессионаллар белән сикерү, әйләнү һәм бозда шуу күнекмәләрен камилләштерә алачак. Яшь спорт сөючеләр өчен автограф-сессия узачак, алар шулай ук истәлек фотосы ясый һәм олимпия чемпионнарына сораулар бирә алачак.

Мастер-класслар 17 нче апрельдә – 14:30 дан 18:00 гә кадәр, 18 нче апрельдә – 15:20 дән 18:45 кә кадәр, 19 нчы апрельдә 13:30 дан 15:45 кә кадәр узачак. Теләге булганнар дәресләрне трибуналардан карый алачак, шулай ук 18 нче апрельдә кунакларның чыгышларына тамаша кыла алачаклар, соңгысы 15:15 сәгатьтә узачак, дип хәбәр итә «Авиатор» физкультура-спорт берләшмәсе.

Шулай ук укыгыз

Барлык яңалыклар