Казанлыларны «Могҗизалар киштәсенә» чакыралар

Хәйрия ярминкәсендә җыелган акчаларны балаларга ярдәмгә җибәрәчәкләр.

(Казан шәһәре KZN.RU, 27-нче август). 30-нчы, 31-нче августта һәм 1-нче сентябрьдә Казанда «Могҗизалар киштәсе» хәйрия ярминкәсе узачак. Җыелган акчалар үсешләрендә үзенчәлекләре булган балаларга һәм мохтаҗ гаиләләргә ярдәм итүгә, шулай ук социаль учреждениеләрдәге балаларның иҗаты өчен материаллар сатып алуга юнәлдереләчәк.

Шәһәрлеләр бизәнү әйберләре, аксессуарлар, сувенирлар, кулдан эшләнгән сабын һәм башка әйберләр сатып ала алачак.

«Альпари» хәйрия фонды инициативасы белән үткәрелә торган ярминкә 10.00 сәгатьтән 22.00 сәгатькә кадәр шәһәрнең сәүдә үзәкләренең берсендә, түбәндәге адрес буенча эшләячәк: Ибраһимов пр., 56, дип хәбәр итә оештыручылар.

Шулай ук укыгыз

Барлык яңалыклар