Казанда эшмәкәрләр өчен түгәрәк өстәл узачак

Катнашучылар халыкара маркетплейсларның өстенлекләре турында беләчәкләр

Фото: Автор фотографии

(Казан шәһәре KZN.RU, 19 нчы июнь). Казанда 21 нче июньдә 13:00 сәгатьтә «Халыкара маркетплейслар: экспорт интернет-сәүдәнең яңа мөмкинлекләре» темасына түгәрәк өстәл узачак. Оештыручы булып ТР Икътисад министрлыгы карамагындагы Эшмәкәрлеккә ярдәм фондының Экспортка ярдәм итү үзәге тора.

Катнашучылар e-Commerce халыкара базарына чыгуда килеп туган проблемалар турында белә алачаклар, чит ил маркетплейсында аккаунтны ничек теркәп булуны ачыклаячаклар, шулай ук ни өчен базар аналитикасы, комплаенс, сәүдә маркасын теркәү кирәклеге, чит ил маркетплейсына товар китергәндә халыкара логистика ничек эшли һәм халыкара маркетплейсларга чыгу вакытында дәүләттән нинди ярдәм алырга мөмкин дигән сорауларга җавап алачаклар һ.б.

Эшмәкәрләр шулай ук үз тәҗрибәләре белән уртаклаша һәм проблемаларны чишү юллары турында фикер алыша алачак. Түгәрәк өстәл Татарстан Республикасы территориясендә теркәлгән кече һәм урта эшмәкәрлек субъектлары өчен ачык. Чараның спикеры булып Tradeproff компаниясенең халыкара проектлар бүлеге җитәкчесе Ирина Слепнева торачак.

Чара Казан шәһ., Петербург урамы, 28 нче йорт (Эшмәкәр йорты, 3 нче кат) адресы буенча узачак. Моннан тыш, онлайн-трансляция оештырылачак. Түгәрәк өстәлгә 20 нче июньнең 17:00 сәгатенә кадәр сылтама буенча теркәлергә була.

Шулай ук укыгыз

Барлык яңалыклар