Казанда балалар киемнәрен яктылык кайтара торган элементлар белән иң креатив бизәүгә конкурс узачак

Эшләрнең гаризалары һәм фотолары 10 нчы декабрьгә кадәр кабул ителә

Фото: Денис Гордийко

(Казан шәһәре KZN.RU, 24 нче ноябрь). Татарстан башкаласында ел саен «Кайгыртучан ӘНИ» конкурсы үткәрелә, ул яктылык кайтара торган элементлар белән кием киюне пропагандалауга юнәлдерелгән һәм Әниләр көненә багышланган.

Катнашучыларга яктылык кайтаручы элементлар белән балалар киемнәрен, әйберләрен һәм аксессуарларын, мәсәлән, коляскаларны, рюкзакларны яки велосипедларны бизәүнең креатив ысулын уйлап табарга кирәк.

Эшләрнең гаризалары һәм фотолары 10 нчы декабрьгә кадәр propagandaogai@mail.ru электрон адресына кабул ителә. Җиңүчеләрнең исемнәре 21 нче декабрьгә кадәр игълан ителәчәк, нәтиҗәләр белән сылтама буенча танышырга мөмкин.

Бүләкләү яшь категорияләре буенча һәм аерым номинацияләрдә узачак. Өстәмә мәгълүматны +7(843)533-38-41, +7(843)533-38-42 телефоннары буенча белеп була, дип хәбәр иттеләр Россия Эчке эшләр министрлыгының Казан буенча ЮХИДИ пропаганда бүлегендә.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар