Казанда IX Республикакүләм робот техникасы фестивале узачак

Ул Татарстанның 9 шәһәре һәм районыннан 80-нән артык катнашучыны җыячак.

(Казан шәһәре KZN.RU, 28-нче май). Казанда 30-нчы майда IX Республикакүләм робот техникасы фестивале узачак. Ул Татарстанның 9 шәһәре һәм районыннан 80-нән артык катнашучыны җыячак.

Ярышлар «Гонки по линии», «Сумо. Маневрирование», «Кегельринг-квадро» һәм «Роботир» категорияләрендә узачак. Катнашучылар арасында Яшел Үзән, Апас, Питрәч, Алексеевск, Югары Ослан, Арча һәм башка районнардан яшь робототехниклар бар, дип хәбәр итә оештыручылар.

Чара 11.00 сәгатьтә «Идея» технопаркында башлана. Фестиваль җиңүчеләре кубоклар һәм кыйммәтле бүләкләр алачак.

Фестиваль укучыларның инженерлык һөнәрләре белән кызыксынуларын арттыру, шулай ук интеллектуаль робот техникасы системаларын программалаштыру өлкәсендә яшьләр арасында компетенцияләр формалаштыру максатыннан үткәрелә.

Шулай ук укыгыз

Барлык яңалыклар