Казанда IV Балалар спорт көрәшләре фестивале узачак

Көрәш келәменә 500-дән артык яшь спортчы чыгачак.

(Казан шәһәре KZN.RU, 21-нче декабрь). 22 декабрьдә Казанда Идел буе дәүләт физик культура спорт һәм туризм академиясенең спорт залында IV Балалар спорт көрәшләре фестивале узачак. Көрәш келәменә Татарстанның, шулай ук Идел буе төбәкләренең әйдәп баручы спорт мәктәпләренең 500-дән артык иң көчле көрәшчесе чыгачак.

Ярышларда иң көчлеләрне бер үк вакытта дүрт спорт көрәшендә – дзюдо, самбо, грек-рим һәм ирекле көрәш төрендә билгеләячәкләр. Медаль өчен көрәштә 10 яшьтән алып 13 яшькә кадәрге егетләр төрле яшь һәм авырлык категорияләрендә чыгыш ясаячак.

Ярышлар 10.00 сәгатьтә башлана. Тантаналы өлеш 13.00 сәгатькә планлаштырылган, аннан соң җиңүче исеме һәм ярышлар призеры өчен раундлар узачак, дип хәбәр итә ТР Спорт министрлыгы матбугат хезмәте.

Шулай ук укыгыз

Барлык яңалыклар