Казанда «Йөрәкле шәһәр – Сердца города» инклюзив гаилә фестивале узачак

Казанда «Йөрәкле шәһәр – Сердца города» инклюзив гаилә фестивале узачак

<p> <img src="https://www.kzn.ru/upload/iblock/eaf/MMB_6907.jpg"><br> </p> <p> (Казан шәһәре KZN.RU, 16-нчы июль). 27-нче июль көнне Казанның Урицкий исемендәге паркында III «Йөрәкле шәһәр – Сердца города» инклюзив гаилә фестивале узачак. Катнашучыларны иҗади сәләтләрен үстерү буенча мастер-класслар, аквагрим, сабын куыклары тамашасы һәм хәйрия ярминкәсе көтә. </p> <p> Үсеш үзенчәлекләре булган балалар бәйрәм кунаклары гына булып калмыйча, анда актив катнашачаклар. Алар теләгән һәркем өчен тәмле һәм сәламәт ризык әзерләү буенча кулинария мастер-классы уздырачаклар. Шулай ук хәйрия ярминкәсе дә эшләячәк, анда казанлылар үзенчәлекле балалар тәрбияләнә торган гаиләләр тарафыннан әзерләнгән әйберләр һәм товарлар сатып ала алачак. </p> <p> Фестивальне «Зәкәт» хәйрия фонды «Игелекле Казан» проекты ярдәмендә оештыра. Төп катнашучылар - фонд карамагындагы балалар, аларга теләге булган һәркем кушыла ала. </p> <p> Башлану 11.00 сәгатькә планлаштырылган, дип хәбәр итә оештыручылар. </p>

2019-07-16T09:50:10+0300