Казанда «На равных» инклюзив фестивале узачак

«Әкият» татар курчак театры сәхнәсендә үзләренең иҗади сәләтләрен сәламәтлек үзенчәлекләре булган һәм булмаган балалар күрсәтәчәк.

Фото: Денис Гордийко

(Казан шәһәре KZN.RU, 30-нчы октябрь). Казанда 1-нче ноябрьдән 3-нче ноябрьгә кадәр «На равных» инклюзив фестивале узачак. «Әкият» татар курчак театры сәхнәсендә үзләренең иҗади сәләтләрен сәламәтлек үзенчәлекләре булган һәм булмаган балалар күрсәтәчәкләр.

Конкурста бөтен илдән 70 бала катнашачак. Иң кече катнашучының яше – 4,5 яшь, иң өлкәненә18 яшь. 1-нче һәм 2-нче ноябрьдә узачак сайлап алу турында конкурста катнашучылар үзләренең номерларын дүрт номинациядә тәкъдим итәчәк: «нәфис сүз», «бию сәнгате», «вокал», «инструменталь башкару». Иң яхшы номерлар 3-нче ноябрьдә гала-концертта күрсәтеләчәк.

Шулай ук фестивальдә катнашучыларны зур мәдәни программа – мастер-класслар, шәһәр буенча экскурсияләр һәм башкалар көтә, дип хәбәр итә «Без бергә» хәйрия фонды.

Шулай ук укыгыз

Барлык яңалыклар