Казанда «Хезмәткә һәм оборонага әзер» бөтенроссия физкультура-спорт комплексы чемпионнары фестивале узачак

Анда Татарстан Республикасы районнарының җыелма командалары катнаша.

Фото: Денис Гордийко

(Казан шәһәре KZN.RU, 25 нче гыйнвар). 4-5 нче февраль көннәрендә Казанда «Хезмәткә һәм оборонага әзер» бөтенроссия физкультура-спорт комплексының «ГТО уеннары» чемпионнары фестивале узачак. Анда Татарстан Республикасы районнарының җыелма командалары катнашачак.

Командалар арасында ярышлар берничә этапта уздырылачак. «ГТО уеннары»ның өч сайлап алу этабында җирәбә буенча барлык командалар да катнаша, финалда – беренче-унынчы урыннарны алган командалар.

Финалда призлы урыннар алган командалар – кубоклар, ә командаларда катнашучылар – медальләр, фестивальне оештыручылар дипломнар, өстәмә призлар һәм бүләкләр белән бүләкләнә.

Фестивальдә катнашучыларга «Хезмәткә һәм оборонага әзер» бөтенроссия физкультура-спорт комплексы сайтында теркәлергә һәм уникаль идентификацион номер (УИН) алырга кирәк. Гаризалар 28 нче гыйнварга кадәр gto.kazan116rus@mail.ru электрон почтасы буенча кабул ителә.

Фестиваль 4 нче февральдә Һади Такташ урамы, 122 адресы буенча Спортның ишкәк ишү төрләре үзәгендә ачылачак.

Фестивальдә һәм аның программасында катнашу турында тулырак мәгълүматны нигезләмәдә белергә була.