Казанда ел саен үткәрелә торган «Теловидение» бию перформансы фестивале узачак

Казанда ел саен үткәрелә торган «Теловидение» бию перформансы фестивале узачак

<p> </p> <div class="detail-picture"> <img src="https://kzn.ru/upload/iblock/c3e/KAZ-1721-870.jpg"> <p class="detail-picture__caption"> Фото: «Пантера» камера балеты </p> </div> <p> </p> <p> (Казан шәһәре KZN.RU, 18 нче апрель). 22-24 нче апрельдә Казанның «Сәйдәш» мәдәният үзәгендә «Теловидение» бию перформансының XIII Халыкара фестивале узачак. </p> <p> Фестиваль 22 нче апрельдә 18:30 сәгатьтә концерт-ачылыш белән башланачак. Тантанада Россиянең танылган бию коллективлары, үз төбәкләренең һәм бөтен илнең заманча бию үсешен билгеләүче яшьләр чыгыш ясаячак: Мәскәүдән Libertatem заманча бию компаниясе, Воронеж камера театрының бию труппасы, шулай ук Казаннан Наил Ибраһимовның «Пантера» камера балеты. </p> <p> Яшьләр өчен «Бию. Яңа караш» дигән проект фестиваль программасында беренче тапкыр уздырыла. Концерт 23 нче апрель көнне 13:00 сәгатьтә яшьләрне заманча биюнең актуаль сәнгате белән таныштырачак. </p> <p> Open сall (сайлап алу программасы) уздыру фестиваль өчен яңа формат булачак, анда бөтен Россиядән бию компанияләре спектакльләре катнашачак. Экспертлар 11 спектакльне сайлап алган, алар 24 нче апрельдә 12:00 һәм 17:00 сәгатьтә күрсәтеләчәк. Спектакльләргә профессиональ тәнкыйтьчеләрдән торган жюри, фестивальнең актив һәм даими тамашачылары кергән эксперт советы бәя бирәчәк. </p> <p> Программада шулай ук конкурста катнашучылар белән очрашулар, перфоманслар, экспертлар һәм тамашачылар советы әгъзалары белән түгәрәк өстәл дә каралган. </p> <p> Фестиваль чараларына керү билетлар буенча башкарыла, дип хәбәр итә Казанның Мәдәният идарәсе. Тулырак мәгълүматны фестивальнең «Вконтакте» социаль челтәрендәге <a target="_blank" href="http://vk.com/telovideniefest">аккаунтында</a> белергә мөмкин. </p> <p> «Теловидение» фестивален ТР Мәдәният министрлыгы, Казанның Мәдәният идарәсе һәм «Сәйдәш» мәдәни үзәге ярдәмендә «Пантера» камера балеты белән берлектә «Заманча биюне үстерү үзәге» коммерцияле булмаган автоном оешмасы оештыра. Фестивальнең сәнгать җитәкчесе – Татарстан Республикасының атказанган сәнгать эшлеклесе, «Пантера» камера балеты сәнгать җитәкчесе Наил Ибраһимов. </p> <p> Ел саен үткәрелә торган «Теловидение» фестивале 2008 елдан бирле оештырыла. Бу вакыт эчендә ул илдәге заманча сәнгатьнең мөһим вакыйгасына әверелде. </p>

2022-04-18T17:26:49+0300