Казанда 3х3 баскетбол буенча Россия чемпионаты этабы узачак

Казанда 3х3 баскетбол буенча Россия чемпионаты этабы узачак

<img width="870" src="https://www.kzn.ru/upload/iblock/6b4/MMB_9776.jpg" height="652"><br> <p> (Казан шәһәре KZN.RU, 5-нче март). 9-нчы мартта Казанда Баскет-холлда 3х3 баскетбол буенча Россия чемпионатының 8-нче этабы узачак. Ярышларда 12 ир-ат һәм 6 хатын-кыз командалары катнашачак. Татарстан башкаласында халыкара турнирларның күп тапкырлар призер булган «Гагарин» (Химки) командасы, Россия Олимпия җыелма командасының база коллективы чыгыш ясаячак. </p> <p> Казан данын «Банкиры» һәм «Хелитаб» ир-ат коллективлары яклаячак, хатын-кызлар турнирында «Тулпар» командасы чыгыш ясаячак. </p> <p> Казан ярышлары 20-21 мартта Хабаровскида узачак ил чемпионатының хәлиткеч финал этабы алдыннан соңгы булачак. </p> <p> Ярышларның төркем этабы 10.00 сәгатьтә башлана, плей-офф - 16.00 сәгатьтә. Ярышларга керү ирекле, дип хәбәр итә ТР Спорт министрлыгының матбугат хезмәте. </p> <p> 2017 елда 3х3 баскетбол җәйге Олимпия уеннарының рәсми программасына кертелде. Спортның бу төрендә беренче ярышлар 2020 елда Токиода узачак Олимпиадада булачак. </p>

2020-03-05T13:39:05+0300