Казанда «Локомотив» пляжын чистарту буенча экологик акция узачак

Волонтерлар яр буе зонасында җыештырырга ярдәм итәчәк, ә дайверлар сулык төбеннән чүп җыячак.

Фото: Марат Мугинов

(Казан шәһәре KZN.RU, 21-нче июль). 30-нчы июльдә Казанда «Локомотив» пляжын чистарту буенча экологик акция узачак. А.А.Леонов исемендәге су асты фәнни-тикшеренү отрядының дайверлары Идел елгасыннан чүп-чар җыячак, ә башка ирекле кешеләр яр буе территориясен чистартырга булышачак.

Акциядә волонтерлар, шәһәр хезмәтләре активистлары, сәяси партияләр, иҗтимагый оешмалар вәкилләре һәм битараф булмаган казанлылар катнашачак. Кушылырга теләүчеләрне 10:00 сәгатьтә пляжда көтәләр. Ориентир буларак ак палатка һәм музыка хезмәт итәчәк. Оештыручылар перчаткалар һәм капчыкларны урында бирәчәкләр.

Шундый ук акция 24-нче июльдә Зәңгәр күлнең яр буе территориясендә узачак. Кушылырга теләүчеләр өчен шәһәр үзәгеннән трансфер оештырылачак.

ТР Гражданнар оборонасы эшләре һәм гадәттән тыш хәлләр министрлыгының экологик акцияләре Казанда даими үткәрелә. Әйтик, иреклеләр 9-нчы июльдә Авиатөзелеш районындагы Урман күленә үз теләкләре белән чыкканнар. Алар ярны пластик савыт-саба, буш шешә һәм күп санда дымлы салфеткалардан, ә төбен ком яки су белән тутырылган пластик шешәләрдән һәм мангал буларак кулланылучы кирпечләрдән чистарттылар. Барлыгы 30 капчыкка якын чүп-чар җыелган, дип хәбәр итә ТРда Рус географик җәмгыяте матбугат хезмәте.

Шулай ук укыгыз

Барлык яңалыклар