Казанда психологик ярдәм көне узачак

Барлык теләүчеләр «балалар» мәсьәләләре буенча белгечләрдән ярдәм ала алачак.

(Казан шәһәре KZN.RU, 25-нче февраль). 12-нче мартта Казанда психологик ярдәм көне узачак. Барлык теләүчеләр профессиональ консультация һәм киңәшләр ала алачак.

Өлкәннәр һәм балалар үзләрен борчыган темаларга, шул исәптән балалар - ата-аналар мөнәсәбәтләре, яшьтәшләре белән мөнәсәбәтләр, яшүсмерләр арасындагы конфликтлар, шулай ук психологик пландагы башка «балалар» мәсьәләләре буенча профессиональ психологлар белән аралашачаклар, дип хәбәр иттеләр ТР Бала хокуклары буенча вәкаләтле вәкил аппаратында.

Чара 10.00 сәгатьтән 14.30 сәгатькә кадәр Карл Маркс ур., 61 адресы буенча узачак.

Консультацияләрдә катнашу өчен +7(843)236-61-64 телефоны буенча алдан язылырга кирәк.

Шулай ук укыгыз

Барлык яңалыклар