В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
07.11.2019, 11:00
Казанда каратэ буенча Россия чемпионаты узачак
Анда илнең 65 төбәгеннән спортчылар катнашачак.
(Казан шәһәре KZN.RU, 7-нче ноябрь). 8-11-нче ноябрьдә Казанның «Ак Барс» көрәш сараенда каратэ буенча Россия чемпионаты узачак. Россиянең 65 төбәгеннән килгән спортчылар ил чемпионы исеме өчен көрәшәчәк. Ярышлар «ката» һәм «үлчәү категорияләре» дисциплиналарында узачак.
Казандагы ярышлар каратэ буенча Россия җыелма командасы составына сайлап алу этабы булачак. Чемпионат нәтиҗәләре буенча иң яхшы спортчылар квалификация ярышларында катнашачак, аларның нәтиҗәләре буенча 2020 елда Токиода узачак XXXII җәйге Олимпия уеннарында катнашучыларны сайлаячаклар.
Татарстан Республикасыннан чемпионатта элек республика һәм округ дәрәҗәсендәге ярышларда сайлап алынган иң көчле спортчылар – Казан, Яр Чаллы һәм Әлмәттән 14 каратист катнаша.
Чемпионатның тантаналы ачылышы 9-нчы ноябрь көнне 13.00 сәгатьтә булачак, дип хәбәр итә ТР Спорт министрлыгы матбугат хезмәте.
Шулай ук укыгыз
-
24.07.2025, 12:00 -
24.07.2025, 11:22 -
23.07.2025, 17:46 -
23.07.2025, 17:27