Казанда «Казарла» кылычы белән кисү буенча Идел буе чемпионаты узачак

Казанда «Казарла» кылычы белән кисү буенча Идел буе чемпионаты узачак

<p> <img src="https://www.kzn.ru/upload/iblock/6d9/Natsmuzey-3.jpg"><br> </p> <p> (Казан шәһәре KZN.RU, 8-нче июль). 14-нче июльдә Казанда Татарстан Республикасы Милли музее мәйданчыгында «Казарла» кылычы белән кисү буенча Идел буе чемпионаты узачак. Ул Идел буендагы казаклар тарихына багышланган «Идел белән Дон арасында...» чарасы кысаларында узачак. </p> <p> Казакларның кылыч корал белән идарә итү буенча ярышлары төрле яшь категориясендәге катнашучылар өчен төрле катлаулыктагы берничә этапта узачак. Әйтик, ярышырга теләүчеләргә «Рубка мишени вперед», «Рубка лозы между метками», «Рубка лозы под шапкой», «Рубка веревки», «Рубка вывешенной мишени», «Укол вывешенной мишени» кебек күнегүләрне эшләргә туры киләчәк. </p> <p> «Ярышларда катнашучылар ярышлар һәм күнегүләр башкару вакытында казак формасын мәҗбүри кияргә тиеш, ләкин үзләренең казак булулары мәҗбүри түгел. Бу карате буенча ярышларда катнашу өчен кимоно кию кебек, – дип сөйләде Россия Хәрби сәнгать берлегенең ТР буенча башкарма комитеты җитәкчесе Александр Даренков. - Ә менә ярышлардагы кылычлар иң яхшысы булачак». </p> <p> Моннан тыш, «Идел белән Дон арасында...» дигән чара кысаларында шәһәрлеләр өчен «Казак турында баллада» интерактив лекциясе уздырачак, ә музей ишегалдында көн дәвамында мастер-класслар белән һөнәрчелек кибетләре эшләячәк. Музей бинасында килүчеләр өчен халык сәнгать һөнәрләре осталары эшләнмәләре ярминкәсе, «Холодный блеск клинка» фонды белән интерактив лекция, «Минем Ватаным – минем Россия» ТР казак ансамбльләре концерты, «Иске казак серләре» квест-уены узачак, шулай ук күзәтү һәм тематик экскурсияләр булачак. Музей территориясендә шулай ук «Татарстан – безнең уртак йортыбыз» интерактив балалар мәйданчыгы эшләячәк, «Осталар шәһәре» иҗади остаханәсе ачылачак. </p> <p> Программа турында тулырак мәгълүматны телефон аша белергә була: +7 (843) 292-89-84. </p> <p> «Казарла» чемпионатының тантаналы ачылышы ТР Милли музее ишегалдында 12.00 сәгатьтә булачак, дип хәбәр итә Россия Хәрби сәнгать берлегенең ТР буенча филиалы. </p>

2019-07-08T10:09:18+0300