Казанда Анастасия Макарованың хәйрия концерты узачак

Билетлар сатудан кергән акчалар мохтаҗларга ярдәм күрсәтү өчен «Игелекле Казан» коммерцияле булмаган автоном оешмасына җибәреләчәк

Фото: Денис Гордийко

(Казан шәһәре KZN.RU, 28 нче сентябрь). 11 нче октябрьдә «Сәйдәш» ммәдәният үзәгендә Анастасия Макарованың хәйрия концерты була.

Әлеге чара – яшь җырчының «Игелекле Казан» хәйрия фонды белән берлектә аудиториянең игътибарын ярдәмгә мохтаҗ һәм кыерсытылган кешеләргә ярдәм итүгә җәлеп итү омтылышы. Ә хәйрия концерты – ул һәр тамашачы һәм тыңлаучы өчен берләшү һәм үз миссиясен үтәү мөмкинлеге.

«Тыңлаучылар хөкеменә тыйнак сәләтемне тәкъдим итү – минем өчен бик җаваплы һәм бик дулкынландыргыч адым. Чөнки сәхнәдә беренче адымнарымны ясыйм дип уйлыйм. Хәйрия темасы мине шулкадәр рухландырды ки, мин әлеге идея белән чыктым», - диде җырчы матбугат конференциясендә.

Хәйрия концертында Анастасия Макарова ялгыз программа тәкъдим итәчәк, аның режиссеры булып Александр Рожков тора.

Концерт программасында рус телендә халык һәм патриотик җырлар яңгыраячак, бу концертка киң җәмәгатьчелеккә кызыклы булырга һәм Татарстан Республикасы халкының бердәмлегенең әһәмиятен тирәнрәк чагылдырырга мөмкинлек бирәчәк.

«Концертка килегез, чөнки бу бик җылы, дулкынландыргыч һәм эчкерсез программа булачак», – дип өстәде Анастасия Макарова.

Чарада Татарстан Республикасы Дәүләт камера хоры, Г.Камал исемендәге театр оркестры, солист Артур Минһаҗев һәм башкалар катнаша.

Билетлар сатудан кергән акчалар Казанның мохтаҗ балаларына һәм гаиләләренә хәйрия ярдәме күрсәтү өчен «Игелекле Казан» коммерцияле булмаган автоном оешмасына җибәреләчәк.

Шулай ук укыгыз

Барлык яңалыклар