Казанда "Радужные сердца" хәйрия концерты узачак

Казанда "Радужные сердца" хәйрия концерты узачак

<p> (Казан шәһәре KZN.RU, 4-нче декабрь). Иртәгә, 5 декабрьдә, Казанның "Ак Барс" яшьләр үзәгендә Халыкара волонтер көненә багышланган "Радужные сердца" дип исемләнгән хәйрия чарасы узачак. Программада - бөтен республикадан иҗат коллективлары чыгышлары, ярминкә һәм мастер-класслар.<br> </p> <p> Барлык теләүчеләр өчен мастер-класслар уздырылачак: лого-рәсем ясау, бизәнү әйберләрен ясау буенча, балалар өчен - аниматорлар һәм аквагрим. Шулай ук бу вакытта шәһәр халкы хәйрия ярминкәсенә бара алачак, анда "Игелек салават күпере" хәйрия фонды карамагындагы балалар һәм волонтерлар эшләре тәкъдим ителәчәк. </p> <p> Программада хәйрия концерты планлаштырылган, анда Казанның музыка мәктәпләрендә тәрбияләнүчеләр, шулай ук республиканың төрле шәһәрләреннән иҗат коллективлары чыгыш ясаячак. </p> <p> Билетларны чара алдыннан сатып алырга мөмкин, барлык җыелган акчалар да хәйрия фонды карамагындагы балалар өчен яңа ел бүләкләре алуга тотылачак. </p> <p> Чара 17.00 сәгатьтә "Ак Барс" яшьләр үзәгендә (Декабристлар ур., 1) башлана, концерт 18.00 сәгатькә планлаштырыла, дип хәбәр итә оештыручылар. </p>

2018-12-04T13:52:16+0300