Казанда дөньядагы иң масштаблы бокс буенча ачык тренировкаларга ярдәм итү акциясе узачак

Оештыручылар планы буенча ул Гиннесс рекордлар китабына керәчәк.

(Казан шәһәре KZN.RU, 17-нче июль). 20-нче июльдә Казанда бокс буенча иң масштаблы ачык күнегүләргә ярдәм итү акциясе узачак, ул оештыручылар планы буенча Гиннесс рекордлар китабына керәчәк. Бу көнне Меңьеллык мәйданында Татарстан спортчылары һәм активистлары теләге булган һәркем өчен бокс буенча күнегүләр, шулай ук спорт конкурслары һәм концерт уздырачаклар.

Дөнья тарихындагы иң масштаблы тренировканы Мәскәүдә Кызыл мәйданда Россия Бокс федерациясе оештыра. Бу тренировка иң массалы һәм масштаблы буларак Гиннесс рекордлары китабына керер дип көтелә – проектта Россиянең 85 төбәге һәм дөньяның 175 иле катнашыр дип көтелә. Бәйрәмнең тамашачылар аудиториясе бөтен дөнья буенча 150 миллион кеше тәшкил итәчәк.

Казанда әлеге акциягә бокс белән шөгыльләнүче 2 меңнән артык спортчы, шулай ук Казаннан гына түгел, Татарстан Республикасының башка шәһәр һәм районнарыннан да спорт һәм сәламәт яшәү рәвешен яратучылар кушылачак.

Ачык тренировкада катнашкан кешеләр саны буенча Казан Мәскәүдән генә калышачак, дип хәбәр итә ТР Спорт министрлыгы матбугат хезмәте.

Шулай ук укыгыз

Барлык яңалыклар