Казанда «Цифровиада» спорт-күңел ачу IT-фестивале узачак

Казанда «Цифровиада» спорт-күңел ачу IT-фестивале узачак

<p> </p> <div class="detail-picture"> <img src="https://kzn.ru/upload/iblock/531/DEN_8158-870.jpg"> <p class="detail-picture__caption"> Фото: Денис Гордийко </p> </div> (Казан шәһәре KZN.RU, 8 нче июль). 23 нче июльдә «Урам» экстрим-паркында IT-белгечләр өчен «Цифровиада» спорт фестивале узачак. Спорт ярышлары, BMX буенча күрсәтмә чыгышлар, лекторийлар, уен зоналары, музыкаль төркемнәр чыгышлары һәм башка чаралар планлаштырылган. <p> </p> <p> Спорт өлеше ун ярыштан торачак: ике чакрымга йөгерү, спорт ориентирлашуы, стритбол, пляж волейболы, мини-футбол буенча турнир, самокат буенча мастер-класс, ГТО комплексы, йога, зумба һәм шахмат турниры. </p> <p> Моннан тыш, IT-фестивальдә лекторий узачак, анда спорт, мотивация, спорт инновацияләре һәм башкалар турында берничә дискуссия оештырыла. Нәни катнашучылар өчен мастер-класслар үткәреләчәк, шулай ук аниматорлар да эшләячәк. </p> <p> Фестиваль 9:00 сәгатьтә ачылыр дип көтелә. «Вконтакте» <a target="_blank" href="https://vk.com/public214041704">берләшмәсендә</a> ярышларда катнашу өчен теркәлергә, шулай ук көн программасын һәм башка мәгълүматны белергә мөмкин. </p> <p> Фестиваль башланырга бер атна кала мини-футбол буенча башлангыч турнир узачак, ә финал матчы 23 нче июльдә 11:00 сәгатьтә булачак. Беренче урын алучыларга җиңүчеләр кубогы һәм чараны оештыручылардан бүләкләр тапшырылачак. </p> <p> Фестиваль Татарстан Республикасында цифрлаштыру елына багышланган, дип хәбәр иттеләр ТР Спорт министрлыгының матбугат хезмәтендә. </p>

2022-07-08T14:20:33+0300