Казанда кояшлы батареялар белән эшли торган көймәләр ярышлары узды

Тизлектә һәм маневрлыкта Россиянең 26 төбәгеннән 38 мәктәп укчылары һәм 7 студентлар командасы көймәләре ярышты.

(Казан шәһәре KZN.RU, 1-нче июль). Казанның Түбән Кабан күлендә «Кояшлы регата» инженерлык ярышлары узды. Россиянең 26 төбәгеннән килгән 38 мәктәп укучылары һәм 7 студентлар командасы уникаль экологик көймәләрдә тизлектә һәм маневрлыкта көч сынашты.

1 «Электрик» евроклассасында студентлар арасында инженерлык ярышлары нәтиҗәләре буенча беренче урынны Түбән Новгородтан Nnstu Solarteam командасы яулады, икенче урынга Екатеринбургтан «Солнечный регион» командасы иреште, өченче урынны Мәскәүдән «Эковолна» командасы алды.

2 «Скоростной евроклассында Мәскәүдән Manta Ray командасы җиңде. 3 «Экспериментальный» евроклассында «алтын» Тольяттидан Togiatti Solar Team командасында, икенче урында Мәскәүдән Manta Ray командасы, өченче урында Хабаровск шәһәреннән «Дальневосточная сова» командасы.

Мәктәп укучылары арасында инженерлык ярышларында «Иң яхшы пилот» номинациясендә Түбән Новгородның «Солнечный парус» командасы җиңде, икенче урында – Муромнан «Галс», ә «бронза»га Түбән Новгородтан «Радуга» командасы ия булды.

«Эксперименталь класста иң яхшы пилот» номинациясендә беренчелек пальмасы Владивостокның «Мореход» командасында, икенче һәм өченче урыннарда Новосибирск җыелма командалары.

Мәктәп укучылары арасында гомуми зачетта беренче урынны Новосибирск җыелма командасы алды, икенче урында Ворсмадан «Экстрималы» командасы, өченче урынны Мәскәүдән «Без страз» командасы яулады.

Студентлар арасында кояш батареялары белән йөри торган судноларның пилотсыз модельләре ярышларында Иркутск шәһәреннән «Бриз» командасы җиңде, «көмеш»кә Мәскәүдән «Сокол» командасы ия булды, Тольяттиның ТДУ вәкилләре өченче булдылар.

«Иң яхшы конструктор» номинациясендә Азов шәһәреннән «ДДТ Азов» командасы беренче урынны алды, икенче урынны Новосибирск өлкәсенең Карасук шәһәреннән «Аврора» командасы алды, өченче урында Калининградтан «ТехУспех» командасы.

3D-модельләштерү бәйгесендә Новосибирск җыелма командасы беренче урын алды, икенче урында Түбән Новгородның «Нижегородское детское речное пароходство» командасы һәм Самара командасы, өченче урында Санкт-Петербург лицееның «Ступени» командасы.

«Модельнең дөреслеге өчен» махсус бүләген Мәскәүнең 150-нче номерлы мәктәбе отты, дип хәбәр иттеләр оештыручылар.

Исегезгә төшерәбез, ярышлар Россиядә 2014 елдан бирле үткәрелә. Инженерлык командалары үзара кояш энергиясе хисабына хәрәкәт итә торган көймәләрнең тизлегендә, маневрлыгында һәм чыдамлылыгында көч сынаша. Элегрәк узышлар Мәскәү, Санкт-Петербург, Түбән Новгород, Владивосток, Калининград, Бөек Новгород һәм Грозный шәһәрләрендә узды.

Шулай ук укыгыз

Барлык яңалыклар