Казанда «Балачак иминлеге» Бөтенроссия акциясе уза

Куркынычсызлыкның тәэмин ителешенә сәүдә-күңел ачу үзәкләре, парклар һәм скверлар, балалар һәм спорт мәйданчыклары тикшерелә.

(Казан шәһәре KZN.RU, 18-нче февраль). Казан «Балачак иминлеге» Бөтенроссия акциясен үткәрүгә кушылды, аның икенче этабы бөтен ил буйлап 1-нче ноябрьдән 1-нче мартка кадәр уза.

Акция кешеләр күпләп ял итә торган урыннарда балигъ булмаган балалар белән гадәттән тыш хәлләрне профилактикалауга юнәлтелгән. Казанда РФ Гражданнар оборонасы эшләре, гадәттән тыш хәлләр һәм бәла-каза нәтиҗәләрен бетерү министрлыгының Татарстан буенча Баш идарәсе вәкилләре белән берлектә сәүдә-күңел ачу үзәкләре, парклар һәм скверлар, балалар һәм спорт мәйданчыклары, мәгариф учреждениеләре һәм аларга якын территорияләр, төзелеп бетмәгән һәм ташландык биналар, каралты һәм астагы катлар, янгын куркынычы булган урыннар һәм башка объектлар тикшерелә.

Россия Федерациясе субъектларында акциянең кышкы этабына 10-нчы мартка кадәр нәтиҗәләр ясау планлаштырыла. һәр айның 10-нчы числосында бердәм Куркынычсызлык көнен үткәрү күздә тотыла, дип хәбәр итә ТР Бала хокуклары буенча вәкаләтле вәкил матбугат хезмәте.

Шулай ук укыгыз

Барлык яңалыклар