Казанда Кәгазьсез атна узачак

Шәһәрдә макулатура, буккроссинг җыю оештыралар, күп тапкыр кулланыла торган кружка уйнаталар.

(Казан шәһәре KZN.RU, 21-нче октябрь). Казанда Кәгазьсез атна бара – 21-27 октябрьдә шәһәрдә макулатура, буккроссинг җыю оештыралар, күп тапкыр кулланыла торган кружка уйнаталар, шулай ук катнашучыларга кием-салым һәм добробук сатып алуга ташлама бүләк итәләр.

Атна дәвамында активистлар макулатура җыю өчен махсус тартмалар урнаштырачаклар, ә аннары җыелган икенчел чималны эшкәртүгә җибәрәчәкләр. Шулай ук акция вакытында кәгазь стаканнардан баш тарту тәкъдим ителәчәк – алар эшкәртелмиләр. Әйләнә-тирә мохиткә битараф булмаган шәһәрлеләрне бер тапкыр кулланыла торган стаканнарны күп тапкыр кулланыла торганнарга, термос-кружкаларга яки тамблерларга алыштырырга чакыралар. Көндәлек тормышта кулланыла торган кәгазьләрнең санын киметүгә ярдәм итү өчен, социаль челтәрләрдәге акция битендә төрле экологик гадәтләр турында сөйләячәкләр, шулай ук планлаштырылган чаралар турында тулы мәгълүмат урнаштырылачак. Кзгазьсез атна дәвамында оештыручылар шәһәрнең бер социаль учреждениесендә агач утырту өчен акча җыячак.

Казанлыларның акция партнеры булу яки үз чарасын үткәрү мөмкинлеге бар. Моның өчен Вконтакте социаль челтәрендә яки ecologickzn@yandex.ru электрон почтасына шәхси хәбәр язарга кирәк.

Кәгазьсез атна беренче тапкыр 2017 елда Түбән Новгород өлкәсендә узды, 2018 елда аңа Казан да кушылды. Акциянең максаты - планетабызның байлыкларының чикле булуына игътибар итү һәм көндәлек тормышта кулланыла торган кәгазьләрне файдалануны киметү ысуллары турында сөйләү. Кәгазьсез атна 24-нче октябрьдә билгеләп үтелә торган Халыкара кәгазьсез көнгә багышлана, дип хәбәр итә «Экологично».

Шулай ук укыгыз

Барлык яңалыклар