Казанда буран һәм көчле кар көтелә

Синоптиклар һава шартларының начараюы турында кисәтә.

(Казан шәһәре KZN.RU, 3-нче гыйнвар). Татарстанда һәм аның башкаласында 4 гыйнварда һава торышы начарлану фаразлана. ТР Гидрометеорология үзәге мәгълүматлары буенча, төнлә һәм иртән томан, төнлә һәм көндез буран һәм бозлавык көтелә, көндез аерым районнарда көчле кар явачак, юлларда кар көртләре.

Иртәгә Казанда болытлы һава көтелә, төнлә кар явачак, көньяктан талгын җил булачак. Һава температурасы минус 8-10 градуска кадәр төшәчәк. Көндез кар көчәячәк, аерым районнарда буран көтелә. Җил көньяк-көнчыгыштан, уртача тизлектә, һава температурасы 4-6 градус салкын булачак.

Тулаем алганда, Татарстан буенча шулай ук болытлы һава торышы көтелә, төнлә кар һәм урыны белән томан, көндез кайбер районнарда буран. Көньяктан, көньяк-көнчыгыштан талгын җил. Төнлә температура 8-13 градус салкын булачак, көндез – минус 4-9 градус. Республика автомобиль йөртүчеләрен юлларда бозлавык һәм кар көртләре турында кисәтәләр.

Шулай ук укыгыз

Барлык яңалыклар