Казанда махсус авыл хуҗалыгы ярминкәләре дәвам итә

Узган атнада 6,5 тонна бәрәңге, 8,6 тоннадан артык кәбестә һәм 3,5 тоннадан артык кишер кайтарылды.

Фото: Денис Гордийко

(Казан шәһәре KZN.RU, 13-нче август). 14-нче августта Казанда махсус авыл хуҗалыгы ярминкәләре узачак. Алар 5 мәйданчыкта 6:00 сәгатьтән эшләячәк.

Продукцияне арзан бәядән тәкъдим итәчәкләр. Суган һәм чөгендер килограммы 15 сумнан, бәрәңге – 20 сумнан, кишер – 30 сумнан, кәбестә – 25 сумнан сатылачак. Узган атнада казанлылар өчен 6,5 тонна бәрәңге, 8,6 тоннадан артык кәбестә, 3,5 тоннадан артык кишер, 5,2 тонна суган, 3,5 тоннадан артык чөгендер һәм 6 тонна томат кайтарылды.

Сәүдә мәйданчыклары адреслары

Авиатөзелеш районы – Дементьев урамы, 7-нче номерлы йорт янында;

Киров районы – Батыршин ур., 20-нче номерлы йорт янында;

Яңа Савин районы – Академик Лаврентьев урамы, 10-нчы номерлы йорт янында;

Идел буе районы – Ю.Фучик урамы, 72-нче номерлы йорт янында;

Совет районы – Липатов урамы, 7.

Мондый форматтагы сәүдә яшелчә продукциясенә бәяләрне тотрыклыландырганга яки агымдагы елның 11-нче сентябренә кадәр дәвам итәчәк, ул чакта традицион көзге авыл хуҗалыгы ярминкәләре эшли башлаячак.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар