Казанда мобилизацияләнүчеләр һәм Лисичанск халкы өчен гуманитар ярдәм җыю пунктлары эшләвен дәвам итә

Теләүчеләр азык-төлек товарлары, гигиена чаралары, кием-салым тапшыра ала.

Фото: Денис Гордийко

(Казан шәһәре KZN.RU, 22 нче гыйнвар). Казанлылар мобилизацияләнүчеләр, аларның гаиләләре, «Тимер» һәм «Алга» батальоннары хезмәткәрләре һәм Лисичанск халкы өчен гуманитар ярдәм җыюга кушыла ала. Җыю пунктлары көн саен 10:00 дән 20:00 гә кадәр эшли.

Кайбер пунктлар сәүдә объектларында, калганнары шәһәр спорт комплексларында урнашкан. Аларның һәркайсы «Игелекле Казан» логотибы белән билгеләнгән.

Гуманитар ярдәм җыю пунктларының адреслары

Ваһапов, 17а («Ак Бүре» УСК);

Восстание, 115а;

Гаврилов, 48а («Алтын алка» СК);

Гагарин, 56 («Тасма»);

Н.Ершов, 7 («Хезмәт резервлары» стадионы);

Копылов, 1а;

Ленинград, 26 («Мотор» СК);

Стадион, 1а («Ракета» стадионы);

Ташаяк, 2а (Үзәк стадион);

Җ.Фәйзи, 2а (Бокс һәм өстәл теннисы үзәге);

Футбол, 1 («Локомотив» стадионы);

Халтурин, 3 («Баско» СК);

Химиклар, 40 («Форвард» СК);

Чуйков, 8 («Ватан» СК).

Теләүчеләр озак саклана торган азык-төлек товарлары, мәсәлән, консервалар, пакетлы чәй, эри торган каһвә, ультра пастеризацияләнгән һәм коры сөт, макарон, ярмалар һ.б. алып килә ала. Гигиена чаралары – теш пастасы һәм щеткалар, шампунь, гадәти һәм кер сабыннары, кырыну күбеге, кер юу порошогы, бәдрәф кәгазе дә кабул ителә.

Шулай ук кирәкле әйберләр исемлегендә куртка һәм пуховиклар, аяк киеме, футболкалар, флис тельняшкалар, термокием, трико, оекбаш, перчаткалар, бияләйләр, баш киемнәре һ.б. бар. Тулы исемлек белән сылтама буенча танышырга мөмкин.

Казан предприятиеләреннән һәм халкыннан ярдәмне йөк җыю, комплектлау һәм формалаштыру үзәк складында (Горький шоссесы, 53а) кабул итәләр. Ул дүшәмбедән җомгага кадәр 9:00-18:00 сәгатьләрдә, шимбә көнне 9:00-14:00 сәгатьләрдә эшли.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар