Казанда "Кунакчыллык йолдызлары" конкурсына гаризалар кабул итү дәвам итә

Туристлык индустриясе предприятиеләре хезмәткәрләре гаризаларын 22 февральгә кадәр җибәрә алалар.

(Казан шәһәре KZN.RU, 20-нче февраль). 22 февральгә кадәр Казанда туристлык индустриясе предприятиеләре хезмәткәрләре арасында ел саен үткәрелә торган "Кунакчыллык йолдызлары" муниципаль һөнәри осталык конкурсында катнашуга гаризалар кабул итү дәвам итәчәк.

Конкурсны мартның беренче яртысында үткәрү планлаштырыла. Гамәли өлеш 3 көнгә исәпләнгән. Җиңүчеләрне тугыз номинациядә билгеләячәкләр: "Иң яхшы официант", "Иң яхшы бармен", "Иң яхшы пешекче", "Иң яхшы ресторан менеджеры", "Иң яхшы портье", "Иң яхшы бүлмә җыештыручы", "Иң яхшы гид-экскурсовод", "Эчке һәм тышкы туризм буенча иң яхшы менеджер", "Иң яхшы шеф-пешекче".

Быелгы конкурс булачак WorldSkills-2019 чемпионаты эгидасы астында уздырыла. Катнашучыларны бәяләүгә дөньякүләм дәрәҗәдәге экспертлар җәлеп ителә.

Җиңүчеләр "Кунакчыллык йолдызы" призлары һәм дипломнар алачак, дип искәртә төшерә Туризмны үстерү комитеты.

Исегезгә төшерәбез, узган ел бәйгедә 110 кеше катнашты. Жюри ярыш нәтиҗәләре буенча 8 номинациядә җиңүчеләрне билгеләде.