Казанда транспорт комитеты рәисе вазыйфасына сайлап алуда катнашу өчен гаризалар кабул итү дәвам итә

<h1></h1> <div> </div> <img src="https://kzn.ru/upload/iblock/0ca/DEN_3061_870.jpg"> <div class="detail-picture"> <p class="detail-picture__caption"> Фото: Денис Гордийко </p> </div> <p> (Казан шәһәре KZN.RU, 21-нче июль). Казанда 3-нче августка кадәр транспорт комитеты рәисе вазыйфасына сайлап алуда катнашу өчен гаризалар кабул итү дәвам итә. Вакантлы вазифага дәгъва кылучыларга <a href="https://kzn.ru/prinyat-uchastie/proekty/otbor-na-dolzhnost-predsedatelya-komiteta-po-transportu/" target="_blank">анкета тутырырга</a> һәм шәһәрнең транспорт системасын үстерү проектын әзерләргә кирәк, анда конкрет проблемаларның аңлатмасы биреләчәк һәм аларны хәл итү юллары тәкъдим ителәчәк. </p> <p> Транспорт тармагы белгечләре белән очрашу нәтиҗәләре буенча, проектларны тәкъдир итү, кейслар чишү һәм ассессмент-сессиядә катнашу нәтиҗәләре буенча финалистлар билгеләнәчәк, алар Казан Мэры Илсур Метшин һәм эксперт советы әгъзалары белән очрашачак. </p> <p> Кандидатларга карата төп таләпләр арасында – югары белем, муниципаль хезмәт стажы кимендә бер ел яисә белгечлек, әзерлек юнәлеше буенча кимендә ике ел эш стажы. </p> <p> Исегезгә төшерәбез, транспорт комитеты рәисе вазыйфасына ачык сайлап алуны уздыруны эшлекле дүшәмбедә шәһәр Башкарма комитеты җитәкчесе Рөстәм Гафаров <a href="https://kzn.ru/meriya/press-tsentr/novosti/v-kazani-obyavlen-otbor-na-dolzhnost-predsedatelya-komiteta-po-transportu/" target="_blank">игълан итте.</a> Яңа җитәкчегә шәһәрнең транспорт системасын яңа дәрәҗәгә күтәрәсе бар, дип билгеләп үтте ул. </p> <p>   </p>

2021-07-21T10:59:19+0300