Казанда төзелеп килүче метрополитен станцияләренең исемнәрен сайлау буенча сораштыру дәвам итә

Шәһәр халкы исемнәрнең үз вариантларын 10-нчы майга кадәр тәкъдим итә ала.

Фото: Марат Мугинов

(Казан шәһәре KZN.RU, 27-нче апрель). Казанда яшәүчеләр метрополитенның икенче линиясенең яңа станцияләр атамаларының үз вариантларын тәкъдим итә ала. Сораштыру KZN.RU порталында 10-нчы майга кадәр үткәрелә. Аны сылтама буенча узарга була.

Казан метрополитенының икенче линиясе шәһәрнең биш районын: Идел буе, Совет, Яңа Савин, Мәскәү һәм Киров районнарын тоташтырачак. 5,37 км озынлыктагы беренче участокны эш атамалары астында дүрт станция үз эченә ала: «Юлиус Фучик урамы», «10 нчы микрорайон», «ТАССРның 100 еллыгы» һәм «Академик Сахаров».

Казан Мэры Илсур Метшин шәһәр халкына әлеге станцияләрнең даими атамаларын сайларга тәкъдим итте. «Бу һәм башка станцияләр дистә еллар хезмәт итәчәк. Исемнәрнең һәм бизәлешнең гармонияле булуы мөһим», – диде ул эшлекле дүшәмбедә.

Беренче этапта 10-нчы майга кадәр барлык теләүчеләр үз вариантларын тәкъдим итә ала. Аларда Казан һәм Татарстан тарихы чорлары, истәлекле вакыйгалар, шәһәр үсешенә өлеш керткән, җирле традицияләр һәм бәйрәмнәр, топонимнар чагылыш табарга мөмкин. Алга таба иң үзенчәлекле һәм кызыклы вариантлар өчен халык тавыш бирүе узачак.

Исем сайлаганнан соң, дизайнерлар станцияләрне бизәү концепциясен эшләячәк. Сайлап алынган исемнәр темасына балалар һәм яшүсмерләрнең рәсемнәрен куллану тәкъдиме карала.

Шулай ук укыгыз

Барлык яңалыклар