Казанда газ эшкәртү станциясендә булган вакыйганың нәтиҗәләре белән эшләү дәвам итә

Эшкә 199 кеше һәм 58 техника җәлеп ителгән.

(Казан шәһәре KZN.RU, 13-нче июнь). Казанда газ эшкәртү станциясендә шартлау нәтиҗәләре белән эшләү дәвам итә. Бу эшкә барлыгы 199 кеше һәм 58 берәмлек техника, шул исәптән бер пилотсыз һава судносы җәлеп ителгән. Хәзерге вакытта һәлакәт урынында оператив-тикшерү төркеме эшли.

Мәскәү вакыты белән 21.56 сәгатьтә Северо-Западная урамы, 10-нчы йорт адресы буенча урнашкан сыекландырылган газларны кабул итү, саклау һәм тапшыру өчен газ тутыру станциясе бинасында шартлау булуы турында хәбәр килгән. Урынга Казан янгын сүндерү-коткару гарнизоны көчләре һәм чаралары чыккан, алар һәлакәт урынына 22.03 сәгатьтә килеп җиткәннәр. Оператор бинасында шартлау булганлыгы ачыкланган, нәтиҗәдә 170 куб метр күләмендәге әзер продукциянең стационар сыешлыгы янган, күрше резервуарларга ут таралу куркынычы туган. 50 метрга кадәр факел сыман янгын барлыкка килде, дип хәбәр итә Россия Гадәттән тыш хәлләр министрлыгының ТР буенча Баш идарәсе. 22.30 сәгатьтә янгын сүндерү җитәкчесе тарафыннан 4-нче номерлы янгын рангы игълан ителде.

Янгын урынында янгын сүндерү штабы һәм күчмә идарә итү пунктында Россия Гадәттән тыш хәлләр министрлыгының ТР буенча Баш идарәсе оператив төркеме эшләде. Барлыгы 199 кеше һәм 58 техника җәлеп ителде, бер пилотсыз һава судносы кулланылды. Янгын урынында 2 хәрби участок төзелде, янган һәм янәшәдә урнашкан савытларны суытуда 4 лафет көпшә катнашты.

Исегезгә төшерәбез, бинада оператор бүлмәсе җимерелгән, бина конструкцияләре астыннан янгын сүндерүчеләр ике зыян күрүчене чыгарган, бер кеше һәлак булган.

Хәзер һәлакәт урынында Россия Тикшерү комитеты, Россия Гадәттән тыш хәлләр министрлыгының Татарстан Республикасы буенча Баш идарәсенең күзәтчелек эшчәнлеге һәм профилактик эш идарәсе һәм гадәттән тыш хәлнең барлыкка килү шартлары һәм сәбәпләрен ачыклау буенча янгын сынау лабороториясенең суд экспертизасы секторы вәкилләреннән торган оператив-тикшерү төркеме эшли.

«Хәзерге вакытта газ резерв сыешлыкка күчерелә. Хәзер объект персоналы манометрик җыеннар отглушкасының технологик схемасын эшли. Барлык эшләр башкарылганнан соң, янгын локализацияләнәчәк, - дип шәрехләде вәзгыятьне Россия Гадәттән тыш хәлләр министрлыгының ТР буенча Баш идарәсе башлыгы урынбасары Константин Чанышев.

Шулай ук укыгыз

Барлык яңалыклар