Казанда «Җәмәгать бакчасы» проектында катнашу өчен гаризалар кабул ителә

25 шәһәрле вакытлыча гына түтәл хуҗалары булачак – бирегә чәчәкләр, яшелчә яки җиләк-җимеш утыртачаклар.

Фото: Денис Гордийко

(Казан шәһәре KZN.RU, 24 нче май). Казанда Горки-Әмәт урманында «Җәмәгать бакчасы» проектында катнашу өчен гаризалар кабул ителә башлады. Шәһәр халкы түтәлләрдә чәчәкләр, яшелчә, җиләк-җимешне бушлай утырта, аларны карый һәм сентябрь аенда үз уңышын җыеп ала алачак.

Түтәлләрнең вакытлы хуҗасы булу өчен сылтама буенча гариза тутырырга кирәк. Жюри анкеталарны өйрәнәчәк һәм, 25 кешене сайлап, гомуми чатка өстәячәк.

Җәмәгать бакчасын 28 нче май көнне 10:00 сәгатьтә ачачаклар, дип хәбәр итә Казанның Парклар һәм скверлар дирекциясе матбугат хезмәте.

Исегезгә төшерәбез, «Җәмәгать бакчасы» проекты Горки-Әмәт урманында бишенче ел тормышка ашырыла. Катнашучылар яз ахырында «Йорт» экоүзәге каршындагы мәйданда үсемлекләр утырта, җәй көне аларны карый, ә көзен уңышны җыеп алалар.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар