Казанда «Киләчәккә билет» һөнәри юнәлеш сериалын тәкъдим итәчәкләр

Төрле һөнәр ияләре укучыларга булачак белгечлекне ничек сайлап алырга кирәклеге турында сөйләячәк.

Фото: Денис Гордийко

(Казан шәһәре KZN.RU, 27 нче сентябрь). 29 нчы сентябрьдә Казанда «ТатарКино» дәүләт бюджет мәдәният учреждениесенең тамаша залында «Киләчәккә билет» һөнәри юнәлеш бирү сериалы премьерасы булачак. Кино күрсәтү «Мәгариф» илкүләм проекты кысаларында гамәлгә ашырыла торган шул ук исемдәге проектның яңа сезоны стартына багышланган.

Сериянең төп геройлары төрле өлкә кешеләре – медицина, IT, медиа, бизнес, инженерлык эше, сәнәгать, фән һәм сәнгать өлкәләре вәкилләре. Һәр сериядә тамашачы шәхси хезмәт һәм уңыш тарихы белән танышачак, ә аны караганнан соң, үзләре өчен гадәти һөнәрләргә кагылышлы кайбер нәтиҗәләр ясаячак. Традицион күңел ачу сериалларыннан аермалы буларак, «Киләчәккә билет» яшьләргә гамәли файда китерү максатыннан төшерелгән.

«Укучыларга булачак һөнәр сайлауда ярдәм итәр өчен, без яшьләр белән бүгенге көндә иң популяр булган телдә – сериал телендә сөйләшергә булдык. Беренче сезонның геройлары – рухландыра, мавыгулары белән уртаклаша, профессиональ харизма кабыза ала торган кешеләр. Бер проектта шуның кадәр файда һәм үз эшенә битараф булмаган кешеләрне табу кыен», –дип шәрехләде «Киләчәккә билет» проекты җитәкчесе Иван Есин.

Сериалның беренче сезоны премьерасыннан соң өлкән сыйныф укучылары өчен
«Киләчәккә билет» һөнәри юнәлеш бирү проекты мөмкинлекләре турында Татарстан
Республикасында проектның региональ операторы – Татарстан Республикасының алдынгы
һөнәри әзерлек үзәге вәкилләре белән ачык дискуссия узачак. Сессиягә теркәлү
сылтама буенча үткәрелә. Ул 15.00 сәгатьтә башлана.

Шулай ук укыгыз

Барлык яңалыклар