Казанда фигуралы шуу үзәге барлыкка киләчәк

Хәзер яңа спорт объектын проектлаштыру бара.

(Казан шәһәре KZN.RU, 28-нче декабрь, Алинә Бережная). Казанда фигуралы шуу үзәген төзү планлаштырыла. Бу хакта бүген "Татар-информ" мәгълүмат агентлыгында узган матбугат конференциясендә ТР Спорт министры Владимир Леонов хәбәр итте.

Хәзерге вакытта яңа спорт объекты проектлау стадиясендә – фигуралы шуу үзәге урнашачак урынны һәм спорт корылмасы төзеләчәк программаны табарга кирәк, дип сөйләде спикер. Владимир Леонов сүзләренә караганда, республикада фигуралы шуу белән шөгыльләнергә теләүчеләр күп, шуңа күрә аерым спорт объекты кирәк.

Проектны якын арада гамәлгә ашыру күздә тотыла. Мондый үзәкнең барлыкка килүе шәһәрнең һәм республиканың спорт инфраструктурасы үсешенә ярдәм итәчәк, дип ышана ТР Спорт министры.

"Якындагы елларда без бу проектны гамәлгә ашырабыз, бу яхшы инфраструктура перспективалары, чөнки Казанда бөтен нәрсә бик күп, әмма фигуралы шуу үсешенә ихтыяҗ бар, моның өчен безгә аерым сарай кирәк", – дип сөйләде Владимир Леонов.

Татарстан спорт министры билгеләп үткәнчә, ел башында республика Тимераякта фигуралы шуу федерациясенә Казанда Россия чемпионатын уздыру мөмкинлеге уңаеннан мөрәҗәгать җибәрәчәк. "Без бу сорауны узган елда ук бирдек, әмма, кызганычка каршы, федерациянең озак вакытка исәпләнгән контрактлары бар, анда 2021 елга кадәр чемпионатлар язылган. Без мөрәҗәгатьне ел башында җибәрәбез, алга таба инде аларның Чемпионатны кабул итүче башка шәһәрләр белән мөнәсәбәтләренә бәйле булачак. Әгәр каршы җавап булса, без әзер", - дип белдерде Леонов.

Шулай ук укыгыз

Барлык яңалыклар