Казанда тагын бер вакцинация пункты барлыкка килде

Ул 7-нче номерлы клиник хастаханәсе территориясендәге мобиль комплекста урнашкан.

Фото: Марат Мугинов

(Казан шәһәре KZN.RU, 1-нче ноябрь). 2-нче ноябрьдән Казанда тәүлек әйләнәсе тагын бер вакцинация пункты эшли башлаячак. Ул 7-нче номерлы клиник хастаханәсе территориясендәге мобиль комплекста урнашкан.

Иртәгә ул 8:00 сәгатьтә ачылачак һәм тәүлек буе коронавирустан вакцинацияләнергә теләүчеләрне кабул итәчәк. Бүген пунктта 16:00 сәгатькә кадәр прививка ясатырга була.

Мобиль комплекста вакцинация узу өчен башта регистратурага (2-нче номерлы кабинет) керергә, аннан соң терапевтны (3,4,5-нче номерлы кабинетлар) узарга, аннары процедура кабинетына (6,7-нче номерлы кабинетлар) керергә кирәк булачак. Пациентлар агымы кисешмәячәк, алдан язылу таләп ителми, дип хәбәр итә ТР Сәламәтлек саклау министрлыгы матбугат хезмәте.

Барлык теләүчеләрне көн саен Чуйков урамы, 54 адресы буенча 2-нче һәм 3-нче номерлы терминаллар арасында кабул итәчәкләр. Пациентлар өчен җылы палаткада көтү мөмкинлеге каралган.

Шулай ук алдан язылу буенча 7-нче номерлы хастаханә каршындагы 1-нче номерлы поликлиникада (Чуйков урамы, 54, 312-нче номерлы кабинет) һәм 2-нче номерлы поликлиникада (Адоратский урамы, 40, 217-нче номерлы кабинет) прививка кабинетлары үз эшен дәвам итә.

Вакциация мобиль пунктларының тулы исемлеге белән сылтама буенча танышырга мөмкин.

Шулай ук укыгыз

Барлык яңалыклар