Казанда файдалы һөнәрләр турында «Игелек юллары» спектаклен күрсәтәчәкләр

Чара августта Татарстан башкаласында узачак WorldSkills дөнья чемпионатына багышлана.

(Казан шәһәре KZN.RU, 5-нче август). Казанның күп балалы гаиләләреннән булган сабыйларны, шулай ук мөмкинлекләре чикләнгән балаларны «Игелек юллары» спектакленә чакыралар. Чара 22-27 августта Татарстан башкаласында узачак WorldSkills дөнья чемпионатына багышлана.

Кирәкле һөнәрләр турында спектакльне «Игелекле эшләр көне» һәм «Татарстанның көмеш волонтерлары» фонды хезмәткәрләре тәкъдим итәчәк. Тамашачыларга әкият форматында һәр эшеңне ничек яхшы итеп башкарырга кирәклеге һәм дөньяда үз эшеңнең чын остасы булу ни дәрәҗәдә мөһим булу турында сөйләячәкләр.

Чара 8-нче август көнне 18.00 сәгатьтә «Мәскәү» мәдәни үзәгендә узачак. Спектакльгә керү ирекле, әмма залдагы урыннар чикләнгән булу сәбәпле, телефон аша алдан язылу мәҗбүри: (843) 236-65-61, дип хәбәр итә оештыручылар.

Шулай ук укыгыз

Барлык яңалыклар